Estes talleres comezarán o luns 10 de outubro, e para inscribirse nalgúns deles, cun prezo de entre 18 e 30 €, so será necesario cumprimentar a folla de inscrición e ben entregala na propia escola ou enviala por mail a: escolammm@hotmail.com. As prazas, para un total de algo máis dun cento de alumnos, repartiranse na orde de chegada.

Dirixidos a nen@s e maiores, “tratando de cubrir tódalas idades e achegar o mundo da música ós interesados, de maneira divertida e práctica”, subliña o director da escola, David Santiago, a oferta de cursos suma novas opcións ás que maior éxito tiveron no pasado, como a aula de música para pequech@s de ata 2 anos, na que os máis cativos se introducirán no mundo sonoro na compaña dos país, nunhas sesións que buscarán espertar tódolos seus sentidos a través do feito musical; as clases de batería, a de hip-hop ou a do grupo pop, amais da clase de música activa para maiores.

Entre as novidades, destacan os obradoiros de músciaventuras, para nen@s de 3 a 5 anos, as clases de guitarra clásica ou eléctrica, e pequedance, para meniñ@s de 6 a 8 anos.

Preme nalgunha das imaxes para acceder ao blogue da Escola Municipal de Música de Moaña