Na mañá do pasado martes día do Corte Inglés, xunto os representantes dalgunhas  das 13 comparsas participantes, a concelleira e o técnico de Cultura de Moaña, Colomba López e Manolo Rúa, mostraron no concello a programación para os seis días do Entroido 2012. Asemade, tamén fixeron público o nome da gañadora do concurso para elixir cartaz para o Carnaval, a nena de sexto curso no colexio de Reibón, Nerea Rosales Carballo, que ademais conseguiu un papel para mercar produtos escolares por valor de 100 euros.

Cun orzamento de 12.000 euros a festa principiará na carpa do paseo marítimo, o sábado 18 ás 17:00h., tralo pregón inaugural a cargo do poeta moañés Xosé Daniel Costas Currás, cando haxa filloas e orellas de balde para todos, e teña lugar a primeira actuación conxunta das comparsas.  Dende entón ata o domingo 26, cando se celebre o Enterro da sardiña, seguindo o seu tradicional itinerario polas rúas Ramón Cabanillas e Concepción Arenal, as parroquias moañesas serán testemuñas de obradoiros, concertos, concursos de disfraces e por suposto, moitas actuacións de rúa.

Amais do departamento municipal de Cultura e as comparsas, na organización dos diferentes eventos participan a Asociación de mulleres de Moaña, a A.C. A Ghudalla, a A.C. Charaviscas, A.C.F. Meiramar-Axóuxeres, A.VV. A Bouza-Quintela, A.C. Animodo e a A.VV. O Arroás.

PROGRAMACIÓN COMPLETA

Sábado 18 ás

• 17h. na carpa do paseo marítimo – Pregón de apertura a cargo de Daniel Costas. Degustación de Filloas e primeira actuación das comparsas.
• 19:30h. no Centro cultural de Berducedo – Actuación das comparsas.
• 00:00h. na carpa do paseo marítmo – concerto d’Os Podidos e The Blind Crows.

Domingo 19 ás

• 11:30h. no adro da igrexa de San Benito – Festival de comparsas de Domaio.
• 17h. e ao longo da tarde, no paseo marítimo de Moaña - Actuación das comparsas.
• 16:30h. no Pazo redondo e ás 17:30h. no paseo de Samertolameu – Carnaval tradicional de Meira: madamas, galáns, fedellos, homes do saco, curruvellos…

Martes 21 ás

• 17h. no pavillón de Reibón – Talleres, música e animación infantil. Concurso de disfraces.
• 20:30h. no auditorio do Centro socio cultural Daniel Castelao, en Quintela – Actuación das comparsas.

Venres 24 ás

• 22:30h. na carpa do porto de Domaio – Festa do entroido.

Sábado 25 ás

• 17:30h. saída do peirao do Con coa chegada no palco da Música – Enterro da xoubiña.
• 19:30h. no adro da Peregrina, n’A Guía - Actuación das comparsas.
• 23h. na carpa do paseo marítimo de Moaña – Concurso de comparsas, onde se van repartir os premios á mellor canción e ó mellor disfraz. Actuación da banda Kamelot.

Domingo 26 ás

• 17h. polo centro de Moaña – Enterro da sardiña, e entrega do premio á mellor carroza.